Sukob nekadašnjih partnera i osnivača Pokreta „Evropa sad“ premijera Milojka Spajića i predsjednika države Jakova Milatovića kulminirao je nedavnom objavom Milatovića, dojučerašnjeg zamjenika predsjednika mlade stranke, okosnice 44. crnogorske vlade, da napušta partiju.
O ostavci Milatović je javnost obavijestio putem mreže X. “Dosadašnji način rada je suprotan obećanom i vrijednostima koje sam imao na umu prilikom stvaranja Pokreta i iz tog razloga dajem ostavku na sve funkcije”, napisao je.
Na ovaj potez odlučio se samo dan nakon sukoba frakcija u PES-u oko toga ko će biti novi član odbora direktora Elektroprivrede Crne Gore. Navodno su dva poslanika PES-a Vladimir Bakrač i Uglješa Urošević tražili da Vlada promijeni inicijalni prijedlog, da predloži njihovog kandidata, a na kraju se višečasovna rašomonijada okončala izborom treće osobe, koja je predstavljena kao “kompromisno rješenje”.
Milatović je tim povodom napisao da su u partiji ranije obećali da će “kompetencije i lični integritet predstavljati odlučujuće faktore pri zapošljavanju i napredovanju”.
Poštovani, da biste pročitali 3 besplatna teksta potrebno je da se registrujete, a da biste nastavili sa čitanjem naših premium sadržaja, neophodno je da odaberete jedan od planova pretplate.
Već imate nalog? Ulogujte se
