Da se u startu razumijemo, Knez nije najbolji pjevač na svijetu, ali i dalje pjeva. On nije ni najbolji plesač na svijetu ali i dalje igra. Nije stand up komičar i nema frku da ispriča vic. Ali zato u njemu ima nešto spontano, ljudsko i jednostavno, toliko da ga je teško ne voljeti.
Knez umije da izvede ono najteže: zna da se šali na svoj račun. Nema boljeg indikatora koliko je neko dobar lik od tog rijetkog talenta. To ljudi ili znaju ili ne, a on je nekoliko puta svoje minuse iz intervjua i medijskih nastupa pretvarao u pluseve. Postao je viralan video kad on nespretno govori engleski u vrijeme kad je predstavljao Crnu Goru na Eurosongu, ali on se toga ne srami nego otvoreno potencira, sam gazi temu sve dok to ne ispadne dobra fora.
Isto je uradio sa pjesmom “Da l si ikada mene voljela”. Krenule su na mrežama fore sa repeticijom tog refrena, pa je Knez samo zajahao talas i bukvalno nacrtao ljudima sistem kako ta pjesma u krug funkcioniše. Napravio je štos i Knez je ispao car! Danas se njegove pjesme slušaju u diskotekama i klubovima, uz njih igraju i ljudi koji su rođeni nakon što su one nastale. Te pjesme i dalje rade, i to dobro rade, a i rade ljude na dobro.
Poštovani, da biste pročitali 3 besplatna teksta potrebno je da se registrujete, a da biste nastavili sa čitanjem naših premium sadržaja, neophodno je da odaberete jedan od planova pretplate.
Već imate nalog? Ulogujte se
